Одбојкарскиот клуб Штип УГД денес беше на прием во ректоратот на Универзитет “Гоце Делчев” кај Ректорот Проф. Д-р Дејан Мираковски и во општината кај Градоначалникот М-р Иван Јорданов. Повод за приемот беше освоената титула во Купот на ОФМ. Одбојкарите добија честитки за освоениот трофеј.
На свеченоста, ОК “Штип УГД” им додели благодарници за соработката на ректорот Мираковски, градоначалникот Јорданов и пратеникот Мицевски и одбојкарска топка потпишана од сите чинители на успехот за клубот.
