Штипската гордост, екипата на ФК Брегалница во сабота (21.02.2026) го отвора вториот дел од фудбалската 2025/2026 сезона. Штипските сини во првото коло од пролетната полусезона гостуваат на екипата на Кожуф во Гевгелија.
Есенскиот дел, Брегалница го заврши на третото место, веднаш зад екипите на Охрид Лихнидос и Шкендија Арачиново. Во паузата, екипата се засили со Бојан Рајков (Силекс), Јорданчо Наумоски (Пелистер), Костадин Капсаров (Беласица), Аљбан Мемеди (Кожуф) и Никола Талески (Слога Виница).
Натпреварот ќе се одигра на градскиот стадион во Гевгелија со почеток од 14:00 часот. Штипската чета на тренерот Влатко Костов ќе атакува на победа, со цел исполнување на крајната цел, а тоа е пласман во прва лига на крајот од сезоната.
