Во некои романски градови, особено во Клуж-Напока, патниците можат да добијат бесплатен автобуски билет доколку направат 20 чучнувања на специјални здравствени киосци поставени низ градот.
Оваа необична, но иновативна мерка е дел од иницијативата „Здравствен билет“, со која локалните власти сакаат да ја поттикнат секојдневната физичка активност кај граѓаните. Системот користи камери и сензори за движење кои ги бројат и проверуваат вежбите во точно определен временски рок, со што се избегнуваат злоупотреби.
По успешно извршените 20 чучнувања, патникот веднаш добива бесплатен билет за јавен превоз. Проектот има за цел да ја поврзе грижата за здравјето со секојдневните обврски, како што е патувањето до работа или училиште.
Притоа, програмата останува инклузивна-постарите лица и лицата со попреченост и понатаму имаат право на бесплатен превоз, без обврска да учествуваат во физичката активност.
Иницијативата во Клуж-Напока предизвика голем интерес во јавноста и позитивни реакции, а многумина ја сметаат за пример како креативни решенија можат истовремено да го унапредат здравјето и квалитетот на урбаниот живот.
