11.6 C
Shtip
spot_img

Ова е вистината ако ви се вклучи ова светло (Check Engine) за време на возење

Иако на контролната табла постојат бројни предупредувачки светла, Килмер овојпат посебно го истакнува токму она за батеријата.

Возачите често ги игнорираат светлата на контролната табла, но едно од нив може да укажува на сериозен проблем што бара итна реакција. Според експертите, доколку за време на возење се вклучи светлото за батерија (акумулатор), треба веднаш да застанете и да проверите во што е проблемот – бидејќи не секогаш станува збор само за батеријата!

Јутјуберот и автомобилски експерт Скоти Килмер предупредува дека ова светло често сигнализира дефект на алтернаторот, клучна компонента која го полни акумулаторот и ги напојува електричните системи во возилото. Доколку проблемот е во алтернаторот, продолжувањето на возењето може да доведе до целосно гаснење на автомобилот, оставајќи ве на пат без можност повторно да го стартувате моторот.

Иако има многу светла на контролната табла, Килмер овојпат посебно го нагласува токму она за батеријата.

Ако светлото се вклучи за време на возење – застанете

Тој тврди дека името на ова светло е „лажно“, бидејќи постарите автомобили имаа ознака „ALT“, која јасно предупредуваше на проблем со алтернаторот – делот што овозможува полнење на батеријата додека моторот работи.

Доколку светлото за батерија се вклучи додека возите, тоа значи дека батеријата не добива доволно струја, што може да доведе до престанување на работата на сите електрични системи во автомобилот, вклучително и моторот. Во таков случај, Килмер советува веднаш да застанете и да утврдите во што е проблемот пред да продолжите со патувањето.

Што ако светлото се вклучи додека автомобилот работи во лер?

Од друга страна, ако светлото се вклучи додека автомобилот е во лер, а се изгаси штом тргнете, тоа е знак дека батеријата е ослабена, но сè уште е функционална. Во таков случај, можете да продолжите да возите уште некое време пред да биде потребна нејзина замена.

„Немојте веднаш да купувате нова батерија само затоа што се вклучило светлото – најчесто проблемот не е во батеријата, туку во алтернаторот“, предупредува Килмер.

Светлото „check engine“

Ова не е единствениот совет што им го дал на возачите. Претходно зборувал и за светлото „check engine“, истакнувајќи дека, доколку тоа повремено се вклучува и исклучува, обично не станува збор за сериозен проблем и нема причина за паника.

„Имам видено луѓе како трошат илјадници долари обидувајќи се да најдат проблем во автомобилот“, изјави тој, додавајќи дека многу сопственици на возила без потреба менуваат делови кои воопшто не се расипани.

Сепак, организацијата „RAC“ советува дека, доколку се вклучи светлото „check engine“, возилото треба што поскоро да се однесе на дијагностика, бидејќи може да укажува на потенцијално сериозен дефект.

━ повеќе содржини

EMIGRANTI на штипјанецот Влатко Јакимов во нов сингл!

Хип-Хоп групацијата во Лондон, предводена од штипскиот музички артист Влатко Јакимов вчера го објави својот нов сингл "Татко и син" во кој Влатко настапува...

ГКК Штип се засили со бек од Соединетите Американски Држави

Новиот член на најдобрата македонска кошаркарска конкуренција ГКК Штип ги засили своите редови со бек од Соединетите Американски Држави. Се работи за 24-годишниот Лангстон Лав...

Штипјанката Ива Колева со историски деби настап во сениорската репрезентација

Историски момент за штипската кошарка! Седумнаесетгодишната Ива Колева стана првата штипјанка која добила повик во сениорската женска кошаркарска репрезентација на Македонија, испишувајќи нова страница...

Професорката на УГД Јаневиќ-Ивановска одликувана со орден во Франција

Професорката Емилија Јаневиќ-Ивановска, која предава на студиската програма по фармација на Универзитетот „Гоце Делчев“ во Штип, доби значајно француско признание за својата академска и...

Вечерва: Традиционална ноќна трка по повод Денот на ослободувањето на Штип

Штип вечерва повторно ќе биде во знакот на спортот, традицијата и одбележувањето на еден од најзначајните датуми во историјата на градот. По повод 8...
spot_img