Во пресрет на најголемиот настан во Македонија што ќе се одржи овој викенд во Штип, во јавноста се појавија лажни вести за наводни „специјални барања“ на изведувачот Дино Мерлин во делот на изгледот и обележјата на градот.
Официјално се демантираат ваквите дезинформации. Настапот на Дино Мерлин е организиран со почитување на сите правила и стандарди, без никакви условувања од страна на изведувачот.
„Свесни сме дека живееме во време на изместени вредности и дека ваквите дезинформации се само метод за ширење омраза и политичко лешинарење. Нашиот Штип добива од овој настан – преку култура, туризам и нова енергија за градот. Оние кои шират невистини, јасно е дека веќе губат во нивните бесцелни политички кампањи“, стои во реакцијата.
Дополнително, се нагласува дека истите структури кои денес шират лаги, се оние што со години го оставаа крстот на Исарот во темница.
