Почнаа уписите на Универзитетот „Гоце Делчев“ во Штип за академската 2025/2026 година! Од денес сите кандидати кои аплицирале преку сајтот на Универзитетот, имаат можност да ги достават своите документи во петте градови: Штип, Скопје, Струмица, Кавадарци и Гевгелија.
Проректорот Мишко Џидров апелираше на кандидатите да ја искористат оваа можност и да не патуваат во овие жешки температури. За студентите кои се заинтересирани за студиски програми во Штип, а живеат во Струмица, документацијата може да ја достават во Струмица. Како што рече тој првиот уписен рок ќе трае до 22 август, а за сите оние кои ќе го пропуштат, следуваат два дополнителни рока на 4 и 5 септември, како и на 17 и 18 септември.
,,Универзитетот Гоце Делчев, денеска ги започнува своите уписи. Во наредните три дена, односно 20,21 и 22 август, сите оние кандидати кои што веќе влегле на нашиот сајт и направиле профил и аплицирале, ќе мора да ни ги достават своите документи во еден од нашите центри во државата. Покрај во Штип, документите ќе можат да ги достават во Скопје, Струмица, Кавадарци и во Гевгелија. Мора да напоменам дека ако се интересираат за студиска програма, која што е во Штип, а живеат во Струмица, можат документите да ги достават во Струмица и да не патуваат во овие жешки температури. За сите оние кои што не се решиле, можат да го отворат нашиот сајт и да ги погледнат нашите 80 студиски програми, на 12 факултети и 3 уметнички академии и да се познаат во нив и да се запишат. По завршувањето на првиот уписен рок, ни следува и вториот на 4 и 5 септември и третиот на 17 и 18 септември.“, рече Џидров
Сите оние кои што успешно го завршиле средното образование и имаат повеќе од 80 поени, по запишувањето треба да проверат дали се ослобени од плаќањето партиципација, додаде проректорот Џидров. Потенцираше дека бројките се различни во сите факултети.
Инаку, проректорот дополнително истакна дека во месец октомври ќе биде објавен и конкурсот за ранливи категории, во кој што УГД ќе се обиде да помогне на некој специфични категории на студенти кои што ќе се зпаишат и истиот се организира по барање на студентите и невладините сектори.
