На 21.август во Дом на млади во Штип ќе се одржи концерт на нашата поп икона Тоше Проески. После одличниот концерт ланската година, годинава се спрема второто издание.
Еве ја комплетната програма:
– Во период од 10:00 до 16:00ч. во Домот на млади ќе реализираме крводарителска акција “Биди хуман како Тоше”. Ја продолжуваме хуманата мисија на Тоше. Секој крводарител ќе добие гратис влезница за концертот и пакет производи од нашите пријатели.
– Во 20:00 часот настапуваат ѕвездичките од “Весело Штурче” кои во хор ќе интерпретираат композиции од Тоше.
– Од 21:00 започнува главниот сегмент од ноќта посветена на нашиот Тоше. Со unplugged изведба, концертот го отвораат Duo Bright & Lili Аcoustic. По нив, на сцената настапуваат The Hounds со свој аранжман на неколку песни од Тоше. Потоа настапуваат: Мартинијан Кириловски, Андријана Петрушовска, Антониа Гиговска, Бени, Дани, Мики Секуловски, Наташа Малинкова, Атанас Петров, Марија Данева, Виолета Арсовска & Виктор Манев, Зоран Илиев, Огнен Здравковски…
– No End & Friends ќе бидат бендовска поддршка на изведувачите
– Водители: Миро Кацаров и Верица Донев (Backstage)
Влезниците по промотивна цена во претпродажба ќе се продаваат од 05.08.2025 ( повеќе инфо наскоро…)
Концертот има хуманитарен карактер, дел од средствата ќе бидат употребени за реконструкција на улицата Тоше Проески во Крушево.
