За околу 20% е зголемен бројот на патувања со јавниот превоз во Штип оваа споредбено со претходната година. И понатаму најкористени се линиите до населбата Баби и до село Радање. Како што вели директорот на ЈП Стипион Панче Стефановски, се размислува во следниот период да се зголемат термините, со што очекуваат дополнителна искористеност на градскиот линиски превоз.
„Втората година од воведувањето и функционирањето на јавниот превоз како дејност ја завршивме успешно. Во однос на остварените патувања на територија на Општина Штип има некаде околу 80 илјади патувања, од сите видовди на патувања, како и 800 илјади патувања остварени со договори преку училиштата. На територија на Општина Карбинци има остварено околу 20 илјади патувања“ – вели Стефановски.
Во меѓувреме ќе се работи и на поставување на нови постојки, во како во центарот на гррадот, така и во приградските штипска населби и села. Истите ќе бидат идентични како новопоставените во Ново Село, Караорман и кај трговскиот центар, смарт и подостапни за граѓаните.
„Во следниот период се планира поставување на околу дестина нови автобуски постојки на различни локации во градот. Тие ќе бидат по исто терк како веќе поставените. И овие постојки ќе бидат еко смарт, дополнети со дигитални табли“ – додава Стефановски.
