10.6 C
Shtip
spot_img

Нов ќотек скандал во Србија – Инфлуенсерката Сораја нападната од двајца мажи

Сораја, според извори блиски до истрагата, ја изгубила свеста како последица на физичките повреди и шокот, а ја повратила благодарение на силниот мирис на варикина, со која напаѓачите ја полевале.

Француската јавност, како и многубројните корисници на социјалните мрежи низ светот, останаа згрозени од бруталниот напад што го претрпе познатата триесетгодишна инфлуенсерка Сораја Рифи.

Оваа млада жена, која има повеќе од еден милион следбеници на Инстаграм, била нападната во петокот навечер, на 4 јули, во својот стан во Марсеј, од страна на двајца вооружени мажи. Според телевизијата BFMTV, станува збор за грабеж што прераснал во повеќечасовна тортура од невидена суровост. За време на нападот, Сораја била врзана, физички малтретирана и ѝ се заканувале со смрт. Откако успеала да се ослободи и да повика помош, била хоспитализирана, а случајот веднаш бил пријавен во полиција.

“Ја полевале со варикина. Мислеше дека ќе ѝ ги извадат органите и ќе ја запалат – изјави нејзиниот адвокат во шокантно сведочење за BFMTV на 6 јули, истакнувајќи дека станува збор за напад „со невиден степен на насилство“.

Според наодите од истрагата, напаѓачите влегле во станот со јасна намера, знаејќи точно кого напаѓаат. Адвокатот на Сораја откри и дополнителни морничави детали:

Ја удирале со скалпел и со пиштол, а потоа ја врзале со леплива лента. Ѝ рекле:

“Дај ги парите или ќе те ликвидираме, знаеме која си“.

Според изјавите собрани во истрагата, нејзината ноќна мора траела речиси два часа. Во тој период била изложена не само на физичко, туку и на психичко насилство. Нападот, според нејзината изјава во полицијата, вклучувал и сексуално насилство.

Се разбудила со болки во пределот на интимните делови и со траги кои, за жал, оставаат многу малку простор за сомнеж – изјави адвокатот, додавајќи дека во понеделник ќе биде извршена медицинско-правна експертиза што би можела дополнително да ги потврди сомнежите за силување.

И покрај тешката психофизичка состојба, Сораја успеала да се ослободи и да повика итна медицинска помош, со што, најверојатно, си го спасила животот.

Француската полиција отвори истрага за грабеж со употреба на сила, а се очекуваат резултатите од медицинската анализа и дополнителните искази на жртвата. Нејзините адвокати најавуваат дека ќе бараат најстроги казни за сторителите.

Во меѓувреме, јавноста останува во шок, а корисниците на социјалните мрежи масовно изразуваат поддршка за инфлуенсерката и бараат брза и ефикасна реакција од правосудните органи.

Ова монструозно насилство, како што истакнуваат многумина, мора да биде аларм за посилна заштита на жените и построги мерки против нападите врз јавни личности и поединци во нивните домови.

━ повеќе содржини

EMIGRANTI на штипјанецот Влатко Јакимов во нов сингл!

Хип-Хоп групацијата во Лондон, предводена од штипскиот музички артист Влатко Јакимов вчера го објави својот нов сингл "Татко и син" во кој Влатко настапува...

ГКК Штип се засили со бек од Соединетите Американски Држави

Новиот член на најдобрата македонска кошаркарска конкуренција ГКК Штип ги засили своите редови со бек од Соединетите Американски Држави. Се работи за 24-годишниот Лангстон Лав...

Штипјанката Ива Колева со историски деби настап во сениорската репрезентација

Историски момент за штипската кошарка! Седумнаесетгодишната Ива Колева стана првата штипјанка која добила повик во сениорската женска кошаркарска репрезентација на Македонија, испишувајќи нова страница...

Професорката на УГД Јаневиќ-Ивановска одликувана со орден во Франција

Професорката Емилија Јаневиќ-Ивановска, која предава на студиската програма по фармација на Универзитетот „Гоце Делчев“ во Штип, доби значајно француско признание за својата академска и...

Вечерва: Традиционална ноќна трка по повод Денот на ослободувањето на Штип

Штип вечерва повторно ќе биде во знакот на спортот, традицијата и одбележувањето на еден од најзначајните датуми во историјата на градот. По повод 8...
spot_img