Претседателот на Фудбалскиот сојуз на Црна Гора, Дејан Савичевиќ, бил приведен од страна на полицијата.
Своевремено еден од најдобрите играчи на планетата и ѕвезда на Црвена ѕвезда и Милан, бил приведен поради повеќе сообраќајни прекршоци. Тој потоа бил предаден на судија за прекршоци. Осуден е на парична казна, потврдено е за Порталот РТЦГ.
Откако му била изречена казната, Савичевиќ бил пуштен на слобода. Тој не одговорил на прашањата на новинарите на Порталот РТЦГ во врска со овој настан. Тој бил изведен пред суд по прекршочна пријава од полицијата во Херцег Нови.
Пријавата била поради пребрзо возење и престигнување на полна линија. Како што дознаваат колегите од РТЦГ, Савиќевиќ одбил да направи и алко-тест. Медиумите во регионот потсетуваат дека тој и претходно бил осудуван за слични сообраќајни прекршоци. Да потсетиме, Дејан Савичевиќ неодамна доби нов четиригодишен мандат на чело на Фудбалскиот сојуз на Црна Гора.
