Вимблдон, најпрестижниот тениски турнир во светот, со децении ги принудуваше женските играчи да се натпреваруваат без градник. Преку строги и бескомпромисни правила за облекување, на тенисерките им беше наметнато да ги отстранат дури и белите градници ако тоа не се вклопуваше совршено со „целосно белата“ дрес-код политика. Ова предизвика чувство на вознемиреност, срам и стрес кај спортистките на најголемата сцена во „белиот“ спорт.
Правило кое им правеше на тенисерките стрес
Ова правило важеше за секој дел од опремата, вклучувајќи ги и градниците, кои мораа да бидат исклучиво бели, без видлива боја или шара, освен минимална ивица до еден сантиметар. Ако се забележеше дека се прекршува дури и најмал дел од правилото, судиите ги испраќаа тенисерките да се пресоблечат.
Понижување и опасност
Од Дарија Касаткина, до британската ѕвезда Наоми Броуди и големата Винус Вилијамс, повеќе тенисерки беа во ситуација да мораат да настапат без спортски градник, со опасност од wardrobe malfunction. Освојувачот на Вимблдон 1987, Пет Кеш, истакна: „Некои девојки беа приморани да играат без градник. Тоа стана апсолутно смешно“.
Жените се спротивставија на строгите правила на Вимблдон
Во 2022, ситуацијата ескалираше кога Наоми Броуди настапи без градник поради недостиг на соодветна бела долна облека, додека Винус Вилијамс предизвика сензација заканувајќи се дека ќе носи анимал принт под белата опрема. Некои, како Вилијамс, признаа дека им се допаѓа традицијата во умерени количини, но повеќето играчи со олеснување ја дочекаа промената на правилото во 2023 година.
Новите правила од 2023 им вратија достоинството на тенисерките
По години критики, Вимблдон конечно ги измени строгите правила и им дозволи на жените да носат долна облека во боја под белата спортска опрема. Оваа промена им донесе огромно олеснување на спортистките и означи победа на здравиот разум врз застарените традиции.
