Станува збор за македонски бизнисмен, кој се занимава со градежништво и хотелиерство во Грција, но и во целиот регион.
На Инстаграм се прослави со видеата на кои се гледа дека е вистински хедонист и во животот на прво место му е уживањето.
Ацо Николовски вели:
„Сакам луксузен животен стил, едноставно сакам убав живот и тоа и го презентирам на Инстаграм.
Веќе речиси 8 години во најголем дел од годината живеам во Солун, но во зависност од потребата на моите бизниси, во периоди од годината живеам и на Халкидики и Миконос, како и во Скопје, а зимските месеци задолжително ги користам за престој на топли места.
Но, Солун дефинитивно ми е најубав град за живот во регионот.
Инстаграм профилот го водам од 2018-та година и таму презентирам сè што ме исполнува, од автомобили и мода до патувања. Автомобилите ми се страст, имам 5-6 во својата колекција.
Во животот ме исполнува буквално сè што е убаво“.
