13.8 C
Shtip
spot_img

Албанија бележи рекорд: 3,4 милиони туристи за пет месеци, најмногу од Јужна Европа

Албанија продолжува да го зголемува туристичкиот биланс, достигнувајќи 3,4 милиони туристи за првите пет месеци од 2025 година, што е за 100.000 повеќе од истиот период лани, кога земјата ја посетија 3,3 милиони туристи. Споредено со 2023 година, тоа е раст од 38 отсто.

Според податоците на Институтот за статистика, најголем дел од странските посетители — 95 отсто — доаѓаат од европскиот континент, при што Јужна Европа предничи со 72 отсто од вкупниот број. Западна Европа учествува со 14 отсто, а значителен број туристи пристигнале и од Африка, Азија и Америка.

Сепак, иако годината започна со силен пораст во јануари, февруари, март и април, растот во мај забави, што се поврзува со влегувањето во главната туристичка сезона, кога туристичкиот бран се стабилизира.

Најголем дел од странските државјани, дури 98 отсто, ја посетуваат Албанија од лични причини – претежно за одмор, но и за посета на роднини. Има и посетители кои доаѓаат поради деловни, професионални или здравствени причини.

Паралелно, расте и бројот на албански државјани кои патуваат во странство. Во мај 2025 година, 689.145 Албанци заминале надвор од земјата, што е зголемување од 8,9 отсто во споредба со мај 2024 година.

Во периодот јануари–април 2025 година, Албанија ја посетиле 2,45 милиони туристи, во споредба со 2,33 милиони истиот период минатата година и 1,68 милиони во 2023 година – што укажува на стабилен тренд на раст на туристичката индустрија во земјата.

━ повеќе содржини

EMIGRANTI на штипјанецот Влатко Јакимов во нов сингл!

Хип-Хоп групацијата во Лондон, предводена од штипскиот музички артист Влатко Јакимов вчера го објави својот нов сингл "Татко и син" во кој Влатко настапува...

ГКК Штип се засили со бек од Соединетите Американски Држави

Новиот член на најдобрата македонска кошаркарска конкуренција ГКК Штип ги засили своите редови со бек од Соединетите Американски Држави. Се работи за 24-годишниот Лангстон Лав...

Штипјанката Ива Колева со историски деби настап во сениорската репрезентација

Историски момент за штипската кошарка! Седумнаесетгодишната Ива Колева стана првата штипјанка која добила повик во сениорската женска кошаркарска репрезентација на Македонија, испишувајќи нова страница...

Професорката на УГД Јаневиќ-Ивановска одликувана со орден во Франција

Професорката Емилија Јаневиќ-Ивановска, која предава на студиската програма по фармација на Универзитетот „Гоце Делчев“ во Штип, доби значајно француско признание за својата академска и...

Вечерва: Традиционална ноќна трка по повод Денот на ослободувањето на Штип

Штип вечерва повторно ќе биде во знакот на спортот, традицијата и одбележувањето на еден од најзначајните датуми во историјата на градот. По повод 8...
spot_img