13.8 C
Shtip
spot_img

Трамп: Најдовме купувач за ТикТок

Американскиот претседател Доналд Трамп во интервју за телевизијата Фокс њус изјави дека САД пронашле „купувач за ТикТок“. Според Трамп, се работи за група „многу богати луѓе“. Други детали за зделката американскиот претседател најави за „околу две недели“.

За продажбата веројатно ќе биде потребно и одобрение од кинеската влада, додаде Трамп. Според проценките на американскиот претседател, продажбата „веројатно“ ќе биде одобрена од кинескиот претседател Ши Џинпинг.

Еден ден пред Трамп да ја преземе функцијата во јануари годинава, во САД стапи на сила закон со кој од кинеската матична компанија Бајтденс се бара да го продаде ТикТок – во спротивно, платформата ќе биде забранета. Причината за ова се стравувањата на американските власти дека Пекинг би можел да го користи ТикТок за да влијае врз јавното мислење во САД.

Според законот, американскиот бизнис на ТикТок ќе мораше да биде продаден до 19 јануари или да биде исклучен од продавниците за апликации во САД. Трамп го продолжи рокот веќе трипати. За време на третото продолжување на 19 јуни, портпаролката на Трамп, Каролин Левит, изјави дека Трамп „не сака ТикТок да исчезне од сцената“. Целта на планираната продажба е да се обезбеди дека населението на САД „може да продолжи да го користи ТикТок со доверба дека неговите податоци се безбедни и заштитени“.

За време на неговиот прв мандат до почетокот на 2021 година, Трамп се залагаше за забрана или продажба на ТикТок. Тој сега очигледно ја гледа платформата, со повеќе од 170 милиони корисници во САД, како добра можност за привлекување млади гласачи. Во неговата изборна кампања во 2024 година, Трамп во голема мера се потпираше на онлајн мрежите.

━ повеќе содржини

EMIGRANTI на штипјанецот Влатко Јакимов во нов сингл!

Хип-Хоп групацијата во Лондон, предводена од штипскиот музички артист Влатко Јакимов вчера го објави својот нов сингл "Татко и син" во кој Влатко настапува...

ГКК Штип се засили со бек од Соединетите Американски Држави

Новиот член на најдобрата македонска кошаркарска конкуренција ГКК Штип ги засили своите редови со бек од Соединетите Американски Држави. Се работи за 24-годишниот Лангстон Лав...

Штипјанката Ива Колева со историски деби настап во сениорската репрезентација

Историски момент за штипската кошарка! Седумнаесетгодишната Ива Колева стана првата штипјанка која добила повик во сениорската женска кошаркарска репрезентација на Македонија, испишувајќи нова страница...

Професорката на УГД Јаневиќ-Ивановска одликувана со орден во Франција

Професорката Емилија Јаневиќ-Ивановска, која предава на студиската програма по фармација на Универзитетот „Гоце Делчев“ во Штип, доби значајно француско признание за својата академска и...

Вечерва: Традиционална ноќна трка по повод Денот на ослободувањето на Штип

Штип вечерва повторно ќе биде во знакот на спортот, традицијата и одбележувањето на еден од најзначајните датуми во историјата на градот. По повод 8...
spot_img