Бугарија доби зелено светло од лидерите на Европската Унија да ја користи заедничката валута евро од 1 јануари 2026 година. Лидерите на ЕУ во Брисел, го поддржаа предлогот на Европската комисија да ѝ се дозволи на Бугарија да стане 21-ва членка на еврозоната.
Оваа земја е членка на Европската Унија од 2007 година и е првата земја што ќе го усвои еврото откако Хрватска почна да ја користи заедничката валута во 2023 година.
Сепак, претходно треба да бидат консултирани Европскиот парламент и Европската централна банка (ЕЦБ) за потребните законски измени пред Бугарите да можат да плаќаат во евра.
Бугарија, како една од најсиромашните земји на ЕУ, сè уште е на дното од групата од 27-членки во однос на бруто домашниот производ (БДП) по глава на жител, иако стапките на раст се повисоки од другите земји.
