Градоначалникот на Штип, Иван Јорданов, за време на својата работна посета на Италија, оствари средба со регионалниот советник Фабио Каросо во Торино. На средбата беше потврдена нова странска инвестиција која ќе придонесе за економскиот развој на Штип.
Во наредните месеци, во Штип ќе биде отворена фабрика за производство на компоненти за монтажни базени, која ќе овозможи отворање на 30 до 50 нови работни места. Оваа инвестиција е резултат на интензивната соработка помеѓу локалната самоуправа и италијанските партнери.
Градоначалникот Јорданов изјави: „Ова е уште еден чекор напред за локалната економија и доказ дека Штип станува сè попривлечна дестинација за странските инвеститори.“
Повеќе детали за конкретната локација и почетокот на изградбата се очекуваат наскоро.
