Вицепремиерот и министер за транспорт и врски, Александар Николоски, денеска при посета на Општина Штип истакна дека во тек е реализација на три значајни проекти кои ќе го променат развојот на регионот.
– Во завршна фаза е изработката на Детален урбанистички план за бањата Кежовица, која ќе овозможи развој на бањскиот туризам и изградба на викенд населба – изјави Николоски.
Тој додаде дека се инвестираат дополнителни 70 милиони денари за водоводна и канализациона инфраструктура, а наскоро ќе следува и нова слична интервенција.
Третиот проект е изградбата на браната Отиња, за која се обезбедени 145 милиони денари. Очекувањата се таа да биде завршена до крајот на 2026, со можност веќе летото 2027 година да се искористи и како туристичка атракција и за наводнување.
