Попладневното невреме со интензивни врнежи од дожд и град го зафати Тетово. Улиците се потопени, а сообраќајниот метеж е значителен на патот кон Скопје поради големото количество вода. EVN ќе ја исклучи струјата улица по улица заради опасноста од струен удар.
Невремето, што траеше околу 40 минути, предизвика поплавување на многу куќи и објекти во пониските делови на градот.
Штетите се забележани и во земјоделските култури и во урбаните средини, каде оштетени се кровови, канделабри, настрешници, возила и друго.
На 112 беа пријавени повеќе од 200 случаи на штети, вклучувајќи и оштетени возила, особено на автопатот Скопје – Тетово во општина Желино.
