Во близина на зградата „Промаја“ започнува изградбата на нова катна гаража со капацитет од 50 паркинг места, информираа од Општина Штип. Дополнително, до крајот на 2025 година е најавена и изградба на втора катна гаража позади зградата на Општината, која ќе обезбеди дополнителни 90 паркинг места.
Со овие два проекта, се очекува значително да се олесни проблемот со паркирање во централното градско подрачје, што претставува долгогодишен предизвик за жителите и посетителите на градот.
Проектите се дел од пошироката визија за урбанистички и инфраструктурен напредок на градот, велат од Советничката група на ВМРО-ДПМНЕ во Штип.
