43-годишен жител на Штип ќе одговара откако запалил оган во двор од негова куќа во село, по што си заминал, а огнот одново се разгорел и предизвикал огромна штета, соопшти МВР.
СВР Штип поднесе кривична пријава против М. Е. (43) од Штип поради постоење основи на сомнение за сторено кривично дело „предизвикување на општа опасност“. На 24.09.2025 година во село Љуботен, штипско, пријавениот запалил оган во дворот на семејната куќа и си заминал без да го локализира местото, по што подоцна огнот повторно се запалил и зафатил две соби од подрумски дел од куќата на пријавениот, како и делови од две соседни куќи, гаража и околу пет хектари со нискостеблести растенија, шума и сува трева, велат од МВР.
