11.6 C
Shtip
spot_img

Чудотворниот извор е на три часа од Македонија – деца прозборуваат по само капка од „Говор вода“

Според бројни сведоштва, водата од изворот има моќ да „го отвори говорот“ кај деца кои не зборуваат или имаат значителни потешкотии во комуникацијата.

На само околу три часа возење од Македонија, во срцето на Србија, се крие едно од најмистичните места на Балканот — изворот познат како „Говор вода“. Се наоѓа на надморска височина од 822 метри, на околу 100 метри под врвот на Гледиќките планини, во близина на селото Жупањевац.

принтскрин јутјуб

Овој регион припаѓа на Шумадија, во централна Србија, и е сместен на околу 160 километри северно од македонската граница, а на триесетина километри од градот Крушевац. Од Македонија, на пример од Скопје, до изворот се патува приближно 3,5 до 4 часа со автомобил. Најдобро е да се следи патот преку Куманово – Прешево – Врање – Лесковац – Ниш – Крушевац, па кон Трстеник и до селото Жупањевац. Последниот дел од патот е земјен, планински и тешко пристапен за обично возило, па се препорачува теренец или транспорт од локалните жители кои често им помагаат на посетителите.

Изворот го добил името „Говор вода“ поради специфичниот звук што го произведува водата додека тече — звук кој потсетува на човечки говор. Овој природен феномен, заедно со големиот број сведоштва за чудесни исцелувања, го прави местото особено привлечено за родителите на деца со говорни пречки.

Според бројни сведоштва, водата од изворот има моќ да „го отвори говорот“ кај деца кои не зборуваат или имаат значителни потешкотии во комуникацијата.

Посетителите раскажуваат дека по умивање со водата и пиење неколку голтки, децата почнуваат да зборуваат.

Најпознатиот случај од неодамна е оној на детенце од Шабац, кое не изговарало ниту еден збор сè до посетата на изворот. Откако се измило и испило од водата, првите зборови што ги изговорило биле: „Боже, Боже“.

Слична приказна споделува и мајка на петгодишно дете од Крагуевац, која во интервју за локален медиум вели: „Го носевме синот кај логопед, но без резултат. Еден роднина ни кажа за ’Говор вода‘. Се качивме со трактор, го измивме лицето на детето, и тој почна да повторува звуци уште истата вечер. По неколку дена рече ’мама‘. За нас тоа беше чудо“.

Изворот бил осветен во 15 век од седум монаси кои бегале од Турците и се засолниле во Гледиќките планини. Во близина на изворот се наоѓаат остатоци од старата црква Света Недела, за која се верува дека потекнува од 5 век. Околу изворот се наоѓаат и две пештери, познати како Голема и Мала Тамница.

„Говор вода“ не е само извор — тоа е место на духовност, мистика и надеж, каде што луѓето доаѓаат во потрага по исцелување, и најчесто сведочат на чуда. За многумина, ова е место каде што верата и природата се спојуваат во едно, нудејќи сила, утеха и нов почеток.

━ повеќе содржини

EMIGRANTI на штипјанецот Влатко Јакимов во нов сингл!

Хип-Хоп групацијата во Лондон, предводена од штипскиот музички артист Влатко Јакимов вчера го објави својот нов сингл "Татко и син" во кој Влатко настапува...

ГКК Штип се засили со бек од Соединетите Американски Држави

Новиот член на најдобрата македонска кошаркарска конкуренција ГКК Штип ги засили своите редови со бек од Соединетите Американски Држави. Се работи за 24-годишниот Лангстон Лав...

Штипјанката Ива Колева со историски деби настап во сениорската репрезентација

Историски момент за штипската кошарка! Седумнаесетгодишната Ива Колева стана првата штипјанка која добила повик во сениорската женска кошаркарска репрезентација на Македонија, испишувајќи нова страница...

Професорката на УГД Јаневиќ-Ивановска одликувана со орден во Франција

Професорката Емилија Јаневиќ-Ивановска, која предава на студиската програма по фармација на Универзитетот „Гоце Делчев“ во Штип, доби значајно француско признание за својата академска и...

Вечерва: Традиционална ноќна трка по повод Денот на ослободувањето на Штип

Штип вечерва повторно ќе биде во знакот на спортот, традицијата и одбележувањето на еден од најзначајните датуми во историјата на градот. По повод 8...
spot_img