Според извештаите, Apple има повеќе од 20 нови производи во развој планирани за 2026 година, вклучувајќи четири нови модели на iPhone.
Првиот iPhone што Apple планира да го претстави оваа година се очекува да биде iPhone 17e, наследник на iPhone 16e и последен член на семејството iPhone 17. Според гласините, неговото пристигнување се очекува во следните еден или два месеци.
Во споредба со својот претходник, iPhone 17e треба да го донесе чипот A19 наместо A18, Dynamic Island наместо засекот, Center Stage предна камера, потенки рамки околу екранот и поддршка за додатоци MagSafe.
Сепак, во споредба со основниот модел iPhone 17, тој ќе задржи само една задна камера, нема ProMotion дисплеј, нема always-on опција и без посебна Camera Control функција.
Со очекувана цена од околу 599 долари, iPhone 17e би можел да биде многу интересна опција за корисниците кои сакаат модерен iPhone-и по поприфатлива цена.
iPhone 18 Pro
На есен, најверојатно во септември, Apple ќе ги претстави и iPhone 18 Pro и iPhone 18 Pro Max.
Новите водечки модели наводно ќе добијат уште поголеми батерии, моќен чип A20 Pro направен во 2-нанометарски процес, помал Dynamic Island или дури и само отвор за камера, Face ID интегриран под екранот, подобрен дизајн на задното стакло, камери со променлив отвор на блендата и нов мобилен модем C2.
Иако промените можеби не се револуционерни, успехот на моделот iPhone 17 Pro сугерира дека новата генерација би можела да биде и исклучително популарна.
Преклопен телефон на Apple
Првиот преклопен телефон на Apple, кој би можел да се нарече iPhone Fold или iPhone Ultra, исто така привлекува посебно внимание. По години гласини, неговото пристигнување се очекува оваа есен, со цена што би можела да надмине 2.000 долари.
Уредот треба да има титаниумска рамка, внатрешен екран со дијагонала од околу 7,6 инчи и надворешен од околу 5,4 инчи, со преклопување како книга и без видлив набор на екранот.
Се очекува најголемата батерија некогаш вградена во iPhone, чип A20 Pro, две задни камери и една предна камера за секој екран. Поради дизајнот со двоен екран, Apple би можел да се одлучи за Touch ID наместо Face ID.
