Бројот на активни претплатници во мобилната телефонија заклучно со третиот квартал лани изнесува 2.105.467, а реализирани се 1.299.617.051 минути разговор, покажуваат најновите податоци од Агенцијата за електронски комуникации (АЕК).
Извештајот на АЕК покажува дека А1 Македонија има 47,4% удел во вкупниот број претплатници, Македонски Телеком 46,6%, М ТЕЛ 4,5%, Телекабел 1,2“, а Греен мобиле 0,1%.
Во приходите од обезбедување на мобилни комуникациски услуги (малопродажно ниво) во третиот квартал од 2025 година Македонски Телеком има удел од 49,5%, А1 Македонија 48,5%, М ТЕЛ 0,9%, Телекабел 0,7%, а Греен мобиле 0,1%.
Пристап до интернет со широк и тесен опсег преку мобилна мрежа (2G/3G/4G) во третиот квартал имале 1.781.697 претплатници.
Според податоците на АЕК, во третиот квартал во земјава имало 459.643 фиксни линии, со удел од 51,6% на Македонски Телеком, 43,3% А1 Македонија, 3,1% Телекабел, 1,2% Неотел, 0,5% Актон.
