Од утре започнува финалната серија за тоа кој да биде шампион во Првата одбојкарска лига на Македонија во машка конкунреција, Штип УГД или ГОК Борец.
Штипјани ја одбранија Куп титулата по третпат во низа и сега сакаат да ја освојат шампионската титула и со тоа да испишат нова клупска историја обединувајќи ги двете титули.
Влезот во спортската сала „Јордан Мијалков“ е слободен, а тоа е причина плус да се наполни трибината и да им се даде силна поддршка на одбојкарите, кои бараат поддршка од верните навивачи како ветер во грб и со победа над велешани да ја отворат финалната борба.
Ова ќе биде реприза на Куп финалето каде Штип УГД беше подобар од ГОК Борец, но сега походот кон шампионската титула има уште поголема тежина.
Утрешното дерби во „Јордан Мијалков“ започнува во 19 часот.
