Министерот за здравство објави дека угостителските објекти ќе добијат рок од една година за да ги усогласат своите тераси со новиот закон за заштита од пушењето.
Според предложените измени, терасите нема да мора да бидат отворени од три страни, туку ќе биде доволно да имаат отвореност од најмалку две страни. Во затворените простории, пак, пушењето ќе биде целосно забрането, вклучувајќи ги и електронските цигари.
Дополнително, се предвидува ограничување на продажбата на електронски цигари со различни вкусови – ваквите производи ќе можат да се продаваат само со неутрален вкус или со вкус на тутун. Се очекува законот да биде официјално донесен идниот месец.
