Општина Штип продолжува со инфраструктурни инвестиции во населбата Три Чешми. Во тек е изградба на нови тротоари на влезот во населбата, а паралелно се врши и реконструкција на три улици, со што значително ќе се подобри безбедноста на сите учесници во сообраќајот.
Како дополнување на овие зафати, локалната самоуправа најавува и нова содржина за најмладите жители – изградба на современо спортско и детско игралиште, кое ќе биде целосно осветлено и оградено, како и катче со детски реквизити.
Со ова, Три Чешми добива ново, поурбано и побезбедно облик. Општината најавува дека инвестициите ќе продолжат и во другите делови од градот, во насока на подобрување на квалитетот на живеење за сите граѓани.
