Општина Штип Ве поканува да присуствувате на јавна дебата за дефинирање на приоритети за јавен повик за граѓански организации кој ќе биде објавен на почетокот на 2026 година. Овие активности се спроведуваат во рамките на соработката на Општина Штип со Регионалната програма за локална демократија во Западен Балкан 3 (ReLOaD3) која е финансирана од Европската унија (ЕУ) а ја спроведува Програмата за развој на Обединетите нации (УНДП). Јавната дебата ќе се одржи на 9.12.2025 година (вторник), со почеток во 11:00 часот, во сала 2 во општина Штип. Целта на дебатата е да се претстават предложените приоритетни и подприоритетни области на општината и да се овозможи конструктивна дискусија со граѓанските организации пред нивно финализирање. Вашето учество е од голема важност за успешна соработка и обезбедување транспарентен, инклузивен и ефикасен процес на планирање и финансирање на проекти кои се од интерес за граѓаните и општината. На дебатата ќе бидат разгледани приоритетите од областа на:
1. Социјална инклузија и поддршка на ранливи групи;
2. Животна средина и одржлив развој;
3. Младински развој, образование и активизам;
4. Култура, уметност и заштита на културно наследство;
5. Локален економски развој и иновации,
како и објаснување на условите за поднесување на предлог проектни иницијативи. Вклучувањето на Општина Штип во ReLOaD3 програмата претставува значаен поттик за натамошно унапредување на соработката со граѓанските организации како и јакнење на капацитетите и зајакнување на институционализирање и севкупна вклученост на граѓанското општество во креирање и спроведување на локалните политики. Советот на Општина Штип има донесено одлука за кофинансирање проекти на граѓански организации во рамките на организирање на јавен повик организирани во соработка преку Регионалната програма за локална демократија во Западен Балкан 3 (ReLOaD3). Приоритетни области на Општина Штип во рамки на ReLOaD3 програмата се дадени на следниот линк:
( https://stip.gov.mk/wp-content/uploads/2025/12/Prioriteti-Stip_final.pdf )
