Дуелот помеѓу шампионот и вицешампионот и освојувачот и финалистот во купот ланската сезона привлекува огромно медиумско внимание. Викендов, празник на одбојката во Штип, се игра дербито помеѓу домаќините Штип УГД и ОК Струмица.
Од таборот на домашниот тим најавуваат атак на победа, како и атак на двојната круна годинава. Исто така, за напомена е дека во среда (10.12.2025) ОК Штип УГД во салата во Радовиш ќе биде домаќин на Алијанц Милано во рамките на 1/16 финалето од главната фаза во европскиот Челинџ Куп.
Дербито во сабота е повод да се наполни салата “Јордан Мијалков” во Штип до последно место и публиката да биде ветер во грб на домаќините. Пренос од дуелот ќе има на МРТ 3. Натпреварот започнува во 20:30 часот.
