Вчера, на 116 години почина најстарата личност на светот, бразилската калуѓерка Ина Канабаро Лукас. Родена на 8 јуни 1908, таа станала католичка калуѓерка во рани 20-ти години.
Нејзиното семејство кажа дека Ина секогаш го славела својот роденден со торта во облик на стадионот на нејзиниот омилен фудбалски клуб, Интернасионал од Порто Алегре. Таа имала неколку шалови, дресови и колекција перници од клубот.
Сестра Ина, која била благословена од папата Фрањо во 2018, кажа дека ја должела својата долговечност на верата и дека господ е тајната на животот. Внукот на Ина изјави дека таа немала познати болести, туку „нејзиното тело постепено престанувало да работи“.
Статусот на најстара личност на светот сега го презема 115-годишната Етел Катерхем од Англија.
