Избраниците на Јошко Миленковски во СЦ „Борис Трајковски со 3-0 го добија аутсајдерот Грузија и се чекираа на континенталниот собир.
Трофејниот стратег кој се врати на клупата ќе го води сениорскиот тим на уште едно големо натпреварување.
„Поминавме тешко лето во Златната европска лига и на крајот дојде овој одлучувачки натпревар од квалификациите за Европското првенство. Мислам дека ова е голем ден за македонската одбојка. Натпреварот не беше тежок резултатски, но секако дека психолошки бидејќи ни требаше победа од 3-0. Освоениот сет против Грција во првиот дел од квалификациите беше можеби клучен за овој успех, а секако и големиот број на освоени поени на натпреварот во Атина. Затоа голема заслуга за овој пласман има и претходниот стручен штаб.
Во селекцијата имаме возрасни одбојкари, што не ме плаши, бидејќи со возраста доаѓа и зрелоста, како и квалитетот. За нас годините не се важни, овие момци може уште да играат на високо ниво. Во Златната лига им дадовме шанса на помладите одбојкари, кои стекнаа големо искуство играјќи со најдобрите во Европа. За мене поголем е успехот постигнат во Златната европска лига, отколку пласманот на ЕП“, рече Миленкоски.
