Иако низ Европа е вообичаено возачите да уживаат во утринското кафе додека се на пат, Грција и Кипар имаат поинаков пристап — многу построг.
Според нивните сообраќајни регулативи, пиењето кафе или било кое друго пијалок додека се управува возило се смета за одвлекување на вниманието и е казниво. Ова правило е дел од поширока стратегија за зголемување на безбедноста на патиштата, каде властите ги санкционираат сите активности кои ја намалуваат контролата врз возилото.
Во земји каде кафето е дел од секојдневието, ваквата регулатива можеби изгледа изненадувачки. Но, целта е јасна: помалку одвлекување – побезбедни патишта.
Според информациите на порталот Keep Talking Greece, оние кои ќе бидат фатени со едната рака на воланот, а со другата држат чаша кафе, ризикуваат казна од 100 евра и одземање на возачката дозвола во траење од 30 дена.
Следниот пат кога ќе возите низ Грција оставете го кафето за подоцна. Вашата пауза за кафе ќе мора да почека.
