Откако го прослави својот јубилеј по повод 25 години активно присуство на музичката сцена со гламурозен концерт во Македонската Филхармонија, Јоце Панов, сними нова песна.
„Ајмо на море“ е реализирана на српски јазик во соработка со проверениот регионален хитмејкер, Бане Опачиќ кој стои зад музиката и текстот, додека аранжманот е на Алек Алексов.
На изненадување на публиката главен лик во спотот е неговиот петгодишен син Лука, кој очигледно не само што талентот за музика го наследил од Јоце, очигледно одлично се снаоѓа и во глумата.
Букет со цвеќе, манири на кавалер и фраер од мали нозе е она што го покажа Лука заедно со Елена Вукановска, македонската ориентална танчерка со меѓународна кариера.
Спотот е реализиран од видео продукцијата “Генерал филм студио“ на Дарио Јанковиќ, во режија на Ана Марија Јанковиќ.
Како сето тоа звучи и изгледа спакувано во најновото аудиовизуелно доживување насловено „Ајмо на море“ на Јоце Панов проследете во видеото во продолжение…
