Во прилог, во целост го пренесуваме комплетното известување до јавноста од страна на клубот:
Со задоволство ја информираме јавноста дека раководството на нашиот клуб аплицираше за учество во Европскиот Челинџ Куп. Ова ќе биде деби за нашиот колектив во едно меѓународно натпреварување, со што честа, а и возбудата е уште поголема.
Со ова, ОК Штип УГД ќе го промовира градот Штип, одбојката и спортот воопшто на меѓународна сцена.
Ждрепката за сите европски натпреварувања, вклучително и Челинџ Купот ќе се одржи на 15.јули во седиштето на ЦЕВ во Луксембург.
Подетални информации следуваат во деновите што следат…
Инаку, потсетуваме дека ОК Штип УГД годинава по втор пат го освои националниот куп и беше финалист во првенствениот дел каде загуби од ОК Струмица и заврши како вицешампион на Македонија во машка одбојка.
