Годинава по вторпат ќе се одржи меѓународниот турнир во пеливанско борење „Трофеј Штип“, а интересот годинава е поголем во однос на ланската сезона.
Турнирот е закажан за 10 мај и ќе се одржи на истата локација како и минатата година, односно на стадионот на ФК Кежовица, а покрај домашните натпреварувачи, доаѓаат натпреварувачи и од други држави.
Интересот за пеливанството во градот под Исарот е на високо ниво, токму овој меѓународен турнир „Трофеј Штип“ дава голем резултат за интересот да се буди и кај помладите.
Пеливанството како спорт е блисок спорт со борењето слободен стил, се работи за несекојдневен спорт, а штипјани, но и Источниот дел на Македонија имаат можност одблиску да видат за каков спорт се работи. Како што вели Митров, интересот се зголемува како кај младите за да го спортуваат овој спорт, така и кај публиката која сака да следи вакви спортски настани.
На 10 мај градот под Исарот по вторпат ќе биде домаќин на „Трофеј Штип“.
