Покрај заработката од личните проекти и дигиталните платформи, неговата финансиска состојба му дозволува луксузни трошоци и стабилен животен стандард.
Како што самиот откри за време на еден „лајв“, само за недвижности, автомобили и основни животни потреби месечно издвојува илјадници евра, додека за останатите трошоци не сакаше да зборува подетално.
– Колкави ти се месечните трошоци? – прочита едно прашање за време на еден од своите „стримови“, а потоа откри „какви суми му минуваат низ рацете“.
– На први во месецот имам трошоци за стан, автомобили и плати, околу 40.000 евра. Секој први во месецот. Потоа, за останатите трошоци и да не зборувам. Храна, ручеци што ги плаќам, ова, она… – набројуваше Илиќ.
– Кога ќе се собере сè, тоа е минимум уште 15.000 евра месечно покрај тоа. Минимум. Иако, може да биде и повеќе. Кој знае… – додаде тој, а според коментарите, со ова значително ја подели и публиката.
Додека едни му честитаа за успехот, на други воопшто не им беше јасно „како му успеало тоа“, имајќи ги предвид просечните плати. За еден месец, на Богдан му заминува сума колку што просечен човек би заработил за околу пет години – без притоа да потроши ниту денар во тој период.
