Со зголемување на дневните температури се зголемува и бројот на прегледи на брзата помош во Штип. Се уште не е алармантно, но забележително е дека се повеќе граѓани бараат помош, заради повраќање, стомачни вируси, покачена телесна температура и слично. Како што вели доктор Тоше Бојчевски, тоа е за очекување овој период од годината.
„Зголемен е бројот на интервенции и на терен и фрекфенција на пациенти кои доаѓаат во дежурната амбуланта. Имајќи во предвид дека се работи во летен период, имаме специфичности во однос на симптоматологијата. Постепено се зголемува бројот на пациенти со стомачни вируси, течни столичи, повраќање, стомачни болки. Тоа е за очекување“ – вели Бојчевски.
Се уште доминираат пациенти со кардио васкуларно тегоби, односно лица со хипертензија и тие се најчести пациенти на Брзата помош во Штип. Се зголемува и бројот на колапси, а зголемен и бројот на интервенции како во Брзата помош така и на терен.
„Бројот на колапси еве за месец јуни имаме зголемување но не во таа мера бидејќи немавме некој посериозен топлотен бран. Имаме зголемен број на интервенции, додколку во зимскиот период сме имачле во просек до 17, сега имаме до 22 на ден. До сега од јануари амбулантски прегледи имаме 7260, а 2732 повици за на терен“ – додава Бојчевски.
Во пресрет на првиот најавен топлотен бран Бојчевски апелира да се почитуваат советите од лекарите со цел граѓаните да не завршат во болница.
