25.4 C
Shtip
spot_img

Совет – Како да го одберете најдоброто место за одмор за Вас во Грција ова лето?

Грција нуди различни дестинации кои одговараат на различни стилови на одмор – без разлика дали патувате со вашето семејство, со партнерот или со пријатели.

Од местата кои ги нудат македонските агенции и кои ни се најдостапни, погледнете што да орберете во зависност од тоа каков одмор сакате

За семејства со деца

Халкидики е вистинскиот избор благодарение на добро уредените плажи со плитка вода, бројните содржини и близината до македонската граница. Особено се издвојуваат одморалиштата како Неос Мармарас, Никити и Торони на Ситонија, Ханиоти, Паљури, Сивири, Фурка и Пефкохори на Касандра, Неа Рода и Јерисос на Атос и многу други мали места.

На јонскиот брег најдобрата опција е Врахос, која нуди мирен одмор, чисто море и многу капацитети за сместување на плажа. Во околината помирни места се и Канали и Амудиа.

Секако, има и бројни острови кои се идеални за семејства со деца, но за нас најблиски се Тасос и Амулијани, кои имаат многу плажи со кристално чиста вода.

За парови

Места кои имаат и одлични плажи, но и многу места за разгледување, ноќно шетање и многу таверни се островите како Кефалонија и Скијатос, кои се супер избор за двојки без деца. Убав избор се и Лефкада, Крф и Тасос, а доколку не сакате острови, Кавала со околината може да ви понуди многу интересни опции.

Од јонскиот брег ги издвојуваме Сивота и Парга, кои покрај убавите градски плажи, нудат и многу можности за еднодневни екскурзии.

На Халкидики, поради својот шармантен и романтичен изглед, убав избор се Афитос и Неа Скиони.

За млади

За оние кои сакаат добро да се забавуваат со своето друштво, Грција има доста острови со богат ноќен живот, барови на плажа и секакви забави. Во македонските агенции за младите најдобар избор се островите како Закинтос, Крф и Иос.

Од поблиските места како место за млади се издвојува Калитеа.

За авантуристи и љубители на природа

Лефкада, Скопелос, Скијатос и Пелопонез се идеални за оние кои сакаат да избегаат од гужвите, да уживаат во недопрена природа и автентичен амбиент вреден за истражување

Најповолни места

Ако буџетот е важен фактор за вас, олимпискиот регион со места како Лептокарија, Паралија, Платамона и Неи Пори нуди најдобра вредност за парите.

Овие места се лесно достапни со автомобил или автобус, нудат голем избор на приватно сместување и пристапни аранжмани, а плажите се пространи и погодни за сите генерации.

Исто, поволни места за одмор се и Олимпијада, Ставрос и Врасна.

━ повеќе содржини

Трамп: Јас сум крипто претседател! Биткоинот за прв пат со историска вредност од 120.000 долари

Биткоинот за прв пат надмина вредност од 120.000 долари, што претставува голема пресвртница за најголемата криптовалута во светот, бидејќи инвеститорите сметаат на долгоочекуваните промени...

Манчевски почнува со снимање нов фим – „Збогум, Копакабано“

Филмот е социјална трилер-комедија за брат и сестра што крадат бисти низ Скопје, при што се отвораат теми за сестринска љубов и саможртва, самотија,...

Ужас кој ја потресе Европа: Часни сестри закопале речиси 800 бебиња и деца во септичка јама

Со децении немало никакви записи, надгробни споменици или официјални признаци за трагедијата што се случила во Домот за мајки и деца „Света Марија“ во...

Се отвора првиот ресторан во светот со готвач со вештачка интелигенција

Луѓето готват, но AI одлучува Иако храната ќе ја приготвуваат професионални готвачи, сè друго – од менито, амбиентот до начинот на услуга – ќе биде...

Дневен хороскоп за понеделник, 14-ти јули 2025 година!

ОвенВеќе некое време се чувствувате како робот кој извршува една по една задача, време е да се посветите! Дневниот хороскоп ве советува да се...
spot_img