Следната година треба да биде доста интересна за Apple и за сите фанови на телефоните на компанијата. Можеме да очекуваме нова генерација поевтини телефони (веројатно iPhone 17e) на почетокот на годината, но најдобриот дел доаѓа во септември. Според бројните гласини досега, Apple конечно треба да го претстави својот прв телефон на преклоп, кој медиумите го нарекуваст iPhone Fold.
Се пишуваше многу за овој телефон во последните месеци, но тоа не е единствениот интересен уред што компанијата ќе го претстави за десет месеци.
За оние кои не се заинтересирани за ваков тип на уред со екран што се отвора или не сакаат да потрошат повеќе од 2.000 долари, што е очекуваната цена на Fold, Apple ги подготвува и своите класични телефони.
Покрај стандардните надградби и подобрувања – помоќен хардвер, подобри камери и можеби конечно некои подобри опции за вештачка интелигенција, Apple подготвува и интересен новитет за оваа генерација, а тоа е предната камера што ќе се наоѓа под екранот.
За ова се зборува веќе некое време, а претходните гласини велеа дека Apple го разгледува тоа за моделите што ќе бидат претставени во 2027 година. Новите гласини велат дека компанијата веќе започнала со тестирање на таква камера, што значи дека оваа опција би можела да биде достапна на уредите што ќе бидат претставени во септември следната година, на генерацијата iPhone 18.
Тие во моментов само ја тестираат оваа опција и дека постои можност да не бидат задоволни од резултатите од тестот и да ја одложат нејзината имплементација во самите уреди.
