Синот на Арнолд Шварценегер не се препознава, откако драстично ослабна
Кристофер Шварценегер ја покажа својата неверојатна трансформација, оставајќи ги сите без зборови со својот нов изглед.
Фотографиите што ги објави неговата сестра Кетрин на Инстаграм го прикажуваат 27-годишниот Кристофер во тесна маица и шорцеви, нагласувајќи колку значително ослабнал во последните години. Неговиот зет Крис Прат и мајката Марија Шрајвер веднаш му упатија пофалби, но вниманието најмногу го привлече токму Кристофер со својот нов, поздрав изглед.
Неговата борба со тежината трае со години, а пресвртот започнал во 2020 година кога постепено ја менувал исхраната и вовел постојан режим на вежбање. Призна дека губењето килограми било процес исполнет со предизвици, но истрајноста му донела резултати. Дури и патувањето во Австралија во 2019 година било клучен момент, откако сфатил дека тежината го ограничува во активностите што ги посакувал.
Денес, целото семејство е гордо на него. Неговиот брат Патрик го нарече „нова личност“, додека татко му Арнолд искрено признал дека не може да го следи неговиот тренинг ритам. Мајката Марија Шрајвер, пак, нагласила дека упорноста на Кристофер е најголемата инспирација. За разлика од неговиот полубрат Џозеф Баена кој се фокусира на бодибилдинг, Кристофер избрал постепено слабеење преку здрава исхрана и вежбање – стратегија што очигледно дава резултати.
