На седница на Извршниот одбор на СДСМ, Павел Иванов беше едногласно избран за кандидат за градоначалник на Штип на претстојните локални избори. СДСМ преку официјално соопштение најави дека ќе настапи со, како што велат, „најдобрата кадровска понуда“ и „најдобрата програма“.
Од друга страна, актуелниот градоначалник Иван Јорданов, кој доаѓа од редовите на ВМРО-ДПМНЕ, зад себе има веќе неколку реализирани капитални проекти, видливи инфраструктурни зафати, како и поддршка од дел од стопанството и граѓанскиот сектор. Според анкетите од изминатиот период, Јорданов ужива стабилна доверба меѓу граѓаните, што ќе претставува сериозен предизвик за секој противкандидат.
Иако Иванов влегува во трката со поддршка од својата партија, останува прашањето дали има капацитет да се спротивстави на веќе воспоставеното темпо на работа во општината. Политичките аналитичари очекуваат динамична и интересна кампања, но и укажуваат дека „во моменти кога граѓаните веќе гледаат резултати, промените мора да понудат повеќе од зборови“.
