Стојан Илиев е првото летно засилување во штипскиот машки одбојкарски табор. Станува збор за екстра квалитетен играч, кој редовно го носи репрезентативниот дрес. Илиев, иако е само 26 години, може да се пофали со богата клупска кариера, во минатото тој го носеше дресот на: ОК Струмица, потоа во ОК Вардар, ОК Осијек (Хрватска), Каламата 1980 (Грција), Залау (Романија), Хапоел Кфар Саба (Израел), Еносис Анагениси (Кипар) и ОК Марсонија (Хрватска), од каде што доаѓа во таборот на штипскиот клуб.
Стојан Илиев игра на позиција примач и е висок 1,90м. Тој е првото во најавената низа засилувања за четата на Кристиан Ристески, кој напорно работи на креирање на ростерот кој ќе се натпреварува во претстојната сезона, во која Штип УГД ќе се проба и на меѓународна сцена, т.е. ќе настапи во Европскиот ЦЕВ Челинџ куп.
