Настанот се случил на 13 декември 2025 година, кога полициски службеници од СВР Штип, постапувајќи по судска наредба, извршиле претрес во дом и помошни простории во сопственост на 54-годишниот И.Ш.
Во објектот бил затекнат и 32-годишниот С.Ш., исто така од Штип. При претресот, полицијата пронашла и одзела повеќе предмети и материи за кои постои сомнение дека се поврзани со дрога – бела грутчеста и прашкаста материја, марихуана, дигитална вага, дробилка, брендирани зипер-ќеси, како и предмети со траги од бела прашкаста материја.
Двајцата штипјани се лишени од слобода и задржани во полициска станица. По целосно документирање на случајот, против нив ќе бидат поднесени соодветни пријави.
