На денешната промоција на проектот „Академско рангирање АРБУ (Academic Ranking of Balkan Universities)“, одржана во Стопанската комора на Северна Македонија, беа презентирани резултатите од рангирањето на најцитираните истражувачи во државата по научни области.
Со особена гордост истакнуваме дека во областа „Земјоделски науки и шумарство“ тројца професори од Земјоделскиот факултет при Универзитетот „Гоце Делчев“ – Штип се меѓу десетте најцитирани истражувачи од Македонија:
Проф. д-р Саша Митрев – 1 место
Проф. д-р Фиданка Трајкова – 8 место
Проф. д-р Виолета Димовска – 10 место
Овие резултати претставуваат значајна потврда за квалитетот на научно-истражувачката работа на Земјоделскиот факултет и неговата препознатливост во национални и меѓународни рамки.
Честитки до наградените професори за нивниот исклучителен придонес во развојот на земјоделските науки, како и за успешната промоција на Универзитетот „Гоце Делчев“ – Штип и македонската наука во светски рамки.
Продолжуваме посветено да создаваме знаење, иновации и научни достигнувања со трајна вредност за академската заедница и општеството.
