Штип, 16.05.2024: Денеска, поради вршење на реконструкција на електричната мрежа и проблеми во локалната трафостаница, зградата на Општина Штип и околните реони останаа без електрична енергија. Како резултат, сите сектори во општината не работат до понатамошно известување.
Прекинот е предизвикан од неопходни реконструктивни работи на електричната мрежа кои целат да ја зголемат стабилноста и безбедноста на снабдувањето со електрична енергија во овој дел од градот. Овие мерки се превентивни и неопходни за избегнување идни компликации кои би можеле сериозно да влијаат на функционирањето на општинските служби.
Општината апелира до граѓаните за разбирање и стрпливост додека траат ремонтните работи и ги информира дека се преземаат сите потребни мерки за што поскоро нормализирање на состојбата. Исто така, се препорачува на граѓаните да ги одложат своите планирани посети до општината за време на прекинот на електричната енергија.
