Иако текстовите лесно можат да се преведуваат со помош на AI-функции во рамки на Google Lens или Gemini, WhatsApp воведува преведување на пораки директно во апликацијата – без потреба од интернет-врска.
WhatsApp започна со воведување на нова функција за преведување на пораки, која сега е достапна за одредени корисници на апликацијата на Android кои се дел од бета-програмата. Станува збор за функција што овозможува преведување на пораки во реално време, без потреба од интернет-врска.
Според информациите на WABetaInfo, оваа функција засега поддржува преведување на шпански, арапски, португалски, хинди и руски јазик. Бидејќи преведувањето се одвива локално, корисниците претходно мора да го преземат соодветниот јазичен пакет. Достапна е и опција за преземање пакет што автоматски го препознава јазикот на примената порака и ја преведува.
Се наведува и дека преведувањето ќе може да се вклучи во поставките на поединечен разговор, без разлика дали станува збор за индивидуални или групни разговори. Корисниците ќе можат да изберат од кој јазик сакаат автоматски превод, а секогаш ќе имаат можност и рачно да преведат порака.
Функцијата за преведување ќе биде достапна за сите корисници на WhatsApp во текот на следните неколку недели, а наскоро се очекува и поддршка за повеќе јазици.
