Сограѓани на најблиските погодени од катастрофалниот пожар во Кочани апелираат до сите здруженија, хуманитарни организации, Црвен Крст и оние кои собираа средства, финансии да им бидат пуштени сега зошто, како што се наведува се во тешка состојба.
„Повици доаѓаат од сите страни за финансиска помош, луѓето чии деца се сместени во странство се финансиски исцрпени немаат леб да јадат. Исто така и на дел од починатите родителите се во тешка состојба. Пуштете им ги средствата СЕГА кога им се потребни да преживеат. Некои се на еден оброк дневно за да бидат таму со своето дете. Финансии има собрано за сите и човечки е СЕГА да им се помогне. Ѕвонете, побарајте сметка, нема еден таков на кого сега не му се потребни финансии. Од разговор со луѓе патуваат и по 30 км до болница, од храна е вклучен доручек а за потоа немаат, ВЕ МОЛАМ ИЗЛЕЗЕТЕ ВО ПРЕСРЕТ КОГА Е ПОТРЕБНО, ДРУГИ ЖРТВИ НЕ НИ ТРЕБААТ. Лечењето ќе биде долго и не чекајте. Ве молам споделете!!!“, се шири во апелите на социјалните мрежи.
Во меѓувреме, во Кочани, неколку ентузијасти и волонтери формираат тим кој ќе раководи со вебсајт преку кој ќе се организираат насоките за помош на повредените.
