Одбојкарскиот клуб “Штип УГД” после вчерашниот триумф над Работнички, се пласираше во големото финале на одбојкарскиот куп на Македонија. Противник во финалниот натпревар ќе биде екипата на Струмица, така всушност ова ќе биде реприза од ланското финале. Од штипскиот табор посакуваат да се репризира и епилогот во финалето, бидејки штипјани го бранат трофејот.
Од клубот најавуваат дека утре (сабота, 05.04) ќе биде организиран бесплатен превоз за сите поддржувачи и љубители на спортот кои сакаат да дадат поддршка на екипата во финалниот меч. Поаѓање од автобуската постројка пред Домот на културата во Штип во 17:30 часот. Финалето започнува во 19:00 часот, а директен пренос може да проследите на МРТ 3.
