Никола Митев, млад но голем фудбалски талент, роден во Италија со потекло од Штип, а веќе е на радарот на големите италијански клубови.
16-годишниот Митев моментално е член на италијански Сасуоло, откако претходно беше дел од Пјаченца.
Се работи за голем фудбалски талент кој располага со голема брзина, одбранбени вештини и удар со глава, а неговиот талент го прави да игра на сите позиции во одбранбената линија. Тој игра како централен одбранбен играч, но може да игра и како десен или лев бек со десна нога.
Големиот талент со потекло од Штип доби и повик за во репрезентацијата на Македонија до 17 години, а на кој повик младиот Митев со гордност прифати и допатува во Македонија да го носи дресот на македонската репрезентација.
Тој ги одигра трите натпревари за македонската репрезентација до 17 години на квалификацискиот турнир за пласман во елитната фаза квалификациите за место на Европското првенство против Унгарија, Чешка и Гибралтар.
Натпреварите се играа во Струмица, а Македонија успеа да го оствари еден од најзначајните резултати во младинскиот фудбал во последните години со обезбедувањето пласман во Елитната фаза од квалификациите за Европското првенство, генерација во која и младиот талент Никола Митев, член на италијански Сасуоло е значаен дел од самата репрезентација.
Пред Митев има голема и блескава иднина, кој сигурно е дека ќе биде гордост на градот под Исарот, но и на Македонија.
Teкстот е превземен од Мнет.
