Зоран Шоров е роден во Штип на 17 ноември 1961 година. Тој е македонски борач, член на БК Балканец од Штип и државен репрезентативец. Шоров бил двапати прогласуван за најдобар спортист на Македонија, во 1987 година и во 1991 година, најдобар спортист на XX век на град Штип, Великан на МОК во 2003 година, носител е на национално спортско признание во 2009 година.
Зоран Шоров е учесник на три олимпијади:
- 1984 година Лос Анџелес;
- 1988 година Сеул;
- 1992 година Барселона.
Тој е носител на следниве медали:
- Сребрен медал на Европското првенство во борење во слободен стил, во 1987 година во Велико Трново – Бугарија;
- Бронзен медал на Европското првенство во борење во слободен стил, во 1991 година во Штутгарт – Германија;
- Сребрен медал на Средоземните игри во 1983 година во Казабланка – Мароко;
- Сребрен медал на Средоземните игри во 1991 година во Атина – Грција;
- Сребрен медал на Балканско првенство во 1977 година во Атина – Грција;
- Бронзен медал на Балканско првенство во 1978 година во Крајова – Романија.
