Маријан Стевановски (татко на Филип) се огласи на социјалните мрежи, дека е готова монографијата напишана за својот прерано починат син Филип Стевановски. Наскоро и нејзина промоција во Куманово, неговиот роден град.
“Вчера излезе од печат МОНОГРАФИЈАТА што ја напишав за мојот прерано починат син ФИЛИП СТЕВАНОВСКИ. Истата ќе биде промовирана на JAZZ FESTIVAL KUMANOVO 2025 година, кој ќе се оддржи во ЗАНАЕТЧИСКИ ДОМ КУМАНОВО на 14 и 15.10.2025 година.” – напиша Маријан.
Првата вечер на 14.10.2025 година ќе биде посветена на ФИЛИП СТЕВАНОВСКИ, презентација на монографијата, документарен филм и изведување на авторски композиции од голем број изведувачи со кои ФИЛИП има соработувано во својата кариера.
Втората вечер на 15.10.2025 година е интернационална џез вечер на која ќе земат учество три џез музички состави и тоа: FISH IN OIL (Република Србија), 3D PROJECT (Република Македонија), OLIVER DUEV TRIO (Република Македонија).
ВЛЕЗОТ Е СЛОБОДЕН А ФЕСТИВАЛОТ ИМА ХУМАНИТАРЕН КАРАКТЕР ПОСВЕТЕН НА ЗАГИНАТИТЕ ВО ДИСКОТЕКАТА „ПУЛС“ ВО КОЧАНИ.
